Sikayətlər "Kristal" tikinti şirkətinə aiddir (əvvəlki adı "Kristal Abşeron"). "Park İçimi" layihəsində nəzərdə tutulan mənzillərin yarıdan çoxunun təhvil verildiyi bildirilir, lakin yuxarı mərtəbələrdə yerləşən mənzillərin təhvil verilməsi ilə bağlı şirkətin planları yoxdur. "Dia.az" xəbər verir ki, bu mövzuda narazılıq edən vətəndaş deputat Agalar Vəliyevə məxsus olan "Kristal" şirkəti ilə bağlı şikayətlərinin qulaqardına vurulmasından gileylənir.

Vətəndaş göndərdiyi etirazda daha sonra belə davam edir: "2025-ci ilin may ayından bəri (artıq 3 ay olacaq) mənzilin divar kağızlarını və parketini vurmurlar. İş icraçıları, ustalar və layihə üzrə telefona cavab verən şəxslər hər dəfədə bir bəhanə ilə vaxt uzadırlar.

Müqavilədə qeyd olunan təhvil müddətindən artıq 3-4 aya yaxın müddət keçib. May ayından bəri 2 ay ərzində bunlar divar kağızını vurub qurtara bilmirlər, hər zəngdə də 5 günə təhvil verəcəklərini bildirirlər. Müstərini bu formada və bu dərəcədə incitmək şirkətin imic və reputasiyasına çox böyük ziyan gətirir..."

Dia.az