Vətənini yalnız sinif otağında deyil, savaşda da qoruyan, adını tarixə həkq etdirən bir insan – hörmətli Nail müəllimdir! O, 14 saylı Bakı Pedaqoji Məktəbinin rəhbəri olmaqla yanaşı, eyni zamanda, ehtiyatda olan zabitdir. Nail müəllim, İkinci Qarabağ müharibəsinin ön cəbhəsində döyüşmüş igidlərimizdəndir.

Müharibə başladığı zaman, Nail müəllim bütün işlərini bir kənara qoyaraq, “Vətən mənim qeyrətimdir, döyünən ürəyimdir!” deyərək könüllü olaraq döyüş meydanına atıldı. O, müxtəlif istiqamətlərdə şərəf və vicdanla döyüşdü. Təkcə silahla deyil, həm də mənəviyyatı ilə, ruh yüksəkliyi ilə yoldaşlarına örnək oldu.

Müharibədən sonra yenidən təhsil ocağına qayıdan Nail müəllim, artıq məktəb rəhbəri və müəllim kimi deyil, həm də müharibə veteranı, qəhrəman müəllim kimi gənc nəslə vətənpərvərlik dərsi verir. Onun davranışı və həyat yolu bir daha sübut edir ki, həqiqi müəllim hər yerdə müəllimdir – sinifdə də, cəbhədə də!

Nail müəllimə dərin ehtiramla, qəhrəmanlığınızla, müəllimliyinizlə və insanlığınızla bizə yol göstərirsiniz!

Hacıaga Qayibov

Mənbə: Müəllimlikdən Cəbhəyə – Qəhrəmanlıqla Yazılmış Həyat