Rusiya və Azərbaycan Arasındakı Gərginlik və Müşahidələr

Rusiya ilə Azərbaycan arasında görünməyən gərginliyin informasiya sızması fonunda iki məqam diqqəti çəkdi. Birincisi, Rusiya Federal Məhkəməsi İcraçıları Xidmətinin (FSSP) Araz Agalarov haqqında icraata başlamasıdır. İlk baxışda bu, texniki məhkəmə proseduru təsiri bağışlaya bilər. Lakin, bu “kartoteka” sənədlərinin arxasında daha böyük oyunlar gizlənir, xüsusilə də indiki mürəkkəb siyasi kontekstdə.

Formal səbəb borc mübahisəsi kimi təqdim edilsə də, prosesin zamanlaması və Kremlin son davranışları göstərir ki, məsələ təkcə maliyyə ili ilə məhdudlaşmır. Araz Agalarov, 1,7 milyard dollar sərvəti olan "Crocus Group" imperiyasının sahibi, Rusiyanın ən böyük tikinti, əmlak və infrastruktur baronlarından biridir. O həmçinin Azərbaycana bağlılığı ilə tanınan, köklərini, kimliyini, Azərbaycan dövlətinə və xalqına hər zaman açıq dəstək nümayiş etdirən azərbaycanlı milyarderdir. Bu illər ərzində Agalarovların adı yalnız kommersiya layihələrində deyil, Azərbaycanın haqq işinin müdafiəsində, Qarabağ münaqişəsi dövründə Bakıya siyasi-mənəvi-maddi dəstək cəbhəsində də ön sıralarda olub. Araz Agalarovun oğlu – Emin Agalarov, bu bağlılığın daha canlı simvoludur. Beləliklə, Agalarovlara qarşı atılan addım, Azərbaycana verilən mesajdır.

İkinci xəbər isə azərbaycanlı milyarderlərlə bağlıdır. Burada "Putinin dostu" kimi tanınan İlham Rəhimovdan söz gedir. Yekaterinburq şəhərində Azərbaycan diasporasının Ural bölgəsi üzrə tanınmış lideri Şahin Siqlinski həbs edilir və qısa müddət sonra azadlığa buraxılaraq bir açıqlama verir. O, "mən azadlığımın qorunması üçün, eləcə də Rusiyada yaşayan Azərbaycan diasporasının təhlükəsizliyi və hüquqları naminə göstərdiyi xidmətlərə görə iş adamı, hüquqşünas professor İlham Rəhimova minnətdaram" dedi. Bu hadisə, mahiyyət etibarı ilə, Azərbaycana qarşı növbəti informasiya diversiyasıdır. Araz Agalarova qarşı qondarma hüquqi təzyiq fonunda İlham Rəhimovun xilaskar və alicənab obrazının yaradılması, başqa hansı məqsəd xidmət edə bilər? Belə çıxır ki, guya məhz bu şəxsdən Rusiyada yaşayan azərbaycanlıların taleyi asılıdır və o bu məsələdə Azərbaycan prezidentindən də qüdrətlidir. Bu, Rusiya xüsusi xidmət orqanlarının laboratoriyalarında hazırlanmış siyasi texnologiyadır.

Rusiyada azərbaycanlılara qarşı diskriminasiya siyasətinin arxasında kimin dayandığını bilmək çətindir. İlk öncə, Vladimir Putin! Bəs onun dostu və silahdaşı azərbaycanlıları necə xilas edə bilər? Necə ola bilər ki, Kreml bu qədər gərginliyi azaltmaq üçün xırda bir addım belə atmaz, amma cənab Rəhimovun rəhbərliyi ilə xüsusi əməliyyatla həbs olunan şəxsimiz azadlığa buraxılır? Bunun da alt yapısı kimi Azərbaycan mediası İlham Rəhimovun xilaskar obrazını Azərbaycan cəmiyyətinə sırımağa başlayır. Burada məşhur tamasa sualı ortaya çıxır: "Axi sən kimsən, İlham Rəhimov?!"

2016-ci ilin sonunda İlham Rəhimov birdən-birə Azərbaycan mətbuatına maraq göstərməyə başladı. Ölkənin ən tanınmış qəzetlərinə maliyyə ayıran Putinin dostu, eyni zamanda bir neçə sayt açaraq onları maliyyələşdirməyə başladı. Diqqət yetirmisinizsə, son illərdə İlham Rəhimovun ölkə mətbuatındakı təbliğatı aşağıdakı təqdimatlarla aparılır: uğurlu elm adamı; vətənpərvər siyasətçi; xeyriyyəçi; bacarıqlı iş adamı; superdövlətin məğlubolunmaz liderinin dostu. Onu da qeyd etmək lazımdır ki, İlham Rəhimov son bir ildən çoxdur ki, mətbuat səhifələrində, kitabında uzun-uzadı müsahibələr verir, elmi nailiyyətlərindən söz açır, vətənpərvər, ölkəsinin xeyrini düşünən, Dağlıq Qarabağ problemi ilə yaşan və bu mövzuda heç bir güzəşt tanımayan siyasətçi kimi təqdim olunur, xeyriyyəçi kimi cəmiyyətə tanıdılır.

İlham Rəhimov Kremlin yanında otel tikməyə davam edərkən, amma Azərbaycanın doğulduğu kənddə yağış yağanda palçıq içində qalır. Öz kəndindən rayon mərkəzinə bir yol çıxartmağa çalışsın. Ümumiyyətlə, bu şəxs özünü təbliğdən başqa Azərbaycana 1 manat investisiya qoymamışdır. Maraqlı olan odur ki, bəlkə Agalarovların Kreml qəzəbinə tuş gəlməsi də bu fərqli bağlılıqdan irəli gəlir? İlham Rəhimovun son təbliğatı təkcə “xilaskarlıq” missiyası yox, həm də özünü siyasi meydanda yenidən xatırlatma cəhdi kimi qiymətləndirilə bilər. Professor həm Moskvaya, həm də Bakıya göstərmək istəyir ki, hələ də “oyunun içindəyəm”. Hələ də təsirli və nüfuzluyam. Hələ də Putinlə eyni süfrə arxasında otura bilərəm. Bəlkə də bu proses, sadəcə, Kremlin narazı azərbaycanlıları sakitləşdirmək üçün seçdiyi taktiki bir gedişdir - sanki “baxın, sizin də səsiniz eşidilir, sizin də nümayəndəniz var” görüntüsü yaratmaq üçün.

Görəsən Rəhimovun doğrudan da nüfuzu və iradəsi varsa və baş verənlərlə səmimidir - niyə o, dostu "Rusiya kralına" zəng etmir? Niyə Kremlin repressiv maşınına qarşı açıq mövqeyini bildirmir? Edə bilmir. Çünki kuklalar yalnız onların sahibinin istəklərini icra edə bilir.

Azɪr Talibov
AnXeber.az