Sosial şəbəkələrdə yayılmış son iddialar cəmiyyətin ciddi narahatlığına səbəb olub. "Təhsildə Nəzarət" səhifəsinin paylaşdığı məlumata görə, Göygöl Peşə Məktəbinin direktoru Kamalə Nəhmədova və baş mühasib Səadət Abbasova təhsil müəssisəsini biznes mənbəyinə çeviriblər.

İddialara görə, məktəbdə vakant yerlər gizlədilir və qanunsuz yollarla müəllimlər işə götürülür. Hətta peşə məktəbinə bərbər kimi kənar şəxslər təyin edilir. Bu şəxslər arasında qanunsuz hərbi rəhbər də yer alır. Bu faktlar Maliyyə Nazirliyi tərəfindən araşdırılıb və nəticədə saxta diplom satışı, küllü miqdarda yeyinti faktları aşkar edilib. Məlumatlara əsasən, məsələ artıq Göygöl Rayon Prokurorluğuna göndərilib və cinayət işi açılıb.

Bundan əlavə, müəssisədə çalışan anbardar Kərim adli şəxsin vasitəsilə tələbələrin mobil telefonları əlindən alınaraq direktor otağına çağırıldıqları, onlardan müxtəlif adlarla pul yığıldığı, "cəzanı özünüz düzəldin, cərimələri ödəyik" tipli ifadələrlə təzyiq göstərildiyi bildirilir.

Bütün bu iddialar təhsildə şəffaflıq və dürüstlük prinsipinə zidd olaraq ciddi hüquqi qiymətləndirmə tələb edir. İctimaiyyət məsələ ilə bağlı rəsmi qurumların operativ araşdırma aparmasını və günahkarların qanun qarşısında cavab verməsini gözləyir.

Həmçinin qeyd edək ki, Peşə Təhsili üzrə Dövlət Agentliyinin direktor müavini, direktor səlahiyyətlərini müvəqqəti icra edən Ceyhun qərar imzalayıb. Qərar əsasən, Kamalə Nəhmədova Göygöl Peşə Məktəbinin direktoru təyin edilib.