Abseron rayonu Xirdalanda yerləşən "Papag Lounge" kafe ilə bağlı iddialar gündəmə gəlmişdir. Məlumatlara görə, bu kafenin sahibi məşhur blogger Hüseyn Əzizoğludur. İddia olunur ki, kafe dövlətdən vergidən yayınma ilə məşğuldur. Belə ki, müştərilərdən ödəmə "kartdan karta" üsulu ilə tələb olunur və bu, açıq-aydın vergidən yayınma halını göstərir.

Sözügedən kafenin müştərilərindən biri, kafenin işçi heyətinin hesab ödəmələrini yalnız nağd pul və ya şəxsi bank kartı ilə qəbul etdiyini bildirdiyini söyləyir. Müştərilər, sifariş verdikdən sonra kassaya yaxınlaşdıqda işçi onlara bu məlumatı verir. Bu durumda müştərilər, kafe tərəfindən təqdim edilən xüsusi bank kartına ödəmə etməyə məcbur qalırlar. Belə bir sistem müştərilərin vergidən yayınma halları ilə üzləşməsinə səbəb olur.

Xəbərlərə görə, Hüseyn Əzizoğluna məxsus digər mekanlarda da oxşar hallar yaşanır. Müxtəlif məkanlarda mütəmadi olaraq qeyri-rəsmi ödəmələrin aparılması, məsələnin tək bir obyektə aid olmadığını, həm də sistemli şəkildə vergi ödəmələrindən yayınma halını göstərir. Bu cür əməliyyatlar dövlətdən gələn vergiləri zərərverici şəkildə azaldır, eyni zamanda vergi öhdəliklərini yerinə yetirməmək cəmiyyətdə qanunlara hörmətsizlik deməkdir.

Sahibkarların öz şəxsi mənfəətlərini artırmaq məqsədilə dövləti aldatmaq üçün bu cür addımlar atmaları ciddi hüquqi nəticələr doğura bilər. Bu barədə müvafiq orqanlar, xüsusilə İqtisadiyyat Nazirliyi yanında Dövlət Vergi Xidməti, bu məsələyə əl atmalı və "Papag Lounge" kafe ilə bağlı mümkün vergi pozuntularını araşdırmalıdır.

Əhalinin marağını çəkən bu məsələyə dair münasibət bildirməyə hazır olduğumuzu bildiririk. İctimaiyyətin məlumatlandırılması, vergi qanunlarının pozulmasının qarşısının alınması məqsədilə lazımi tədbirlərin görülməsi vacibdir.