“Aral Group” tikinti şirkətində mühasib köməkçisi kimi çalışan Cavid Əliyev, vətəndaş hüquqlarının pozulmasına etiraz edib. Redaksiyamıza müraciət edən şikayətçi bildirib ki, şirkət əməkdaşlarını iş saatından çox işlədərək istismarla məşğuldur.

Cavid Əliyev 10 ay ərzində rəsmi olaraq “Aral Group” tikinti şirkətində mühasib köməkçisi vəzifəsində çalışdığını qeyd edir. O, iş saatlarının 09:00-da başlayıb 18:00-da bitməsini gözləsə də, faktiki olaraq iş günlərinin 08:00-dan 18:00-a qədər davam etdiyini bildirir. Şirkət ümumilikdə işçilərə həftənin 5 günü 8 saat çalışmağı təklif edir. Amma Əliyev, almalarının göstərişində əmək haqqının 450 manat olaraq göstərildiyini, faktiki olaraq isə 600 manat aldığını vurğulayır. Onun maaşından 450 manatı karta, qalan hissəsini isə naqd pul olaraq verirdilər.

Əliyev, şirkətin müavinətlərin düşdüyünü və əlavə iş saatlarına görə ödəməyəcəyini bildirdiyini, bunun isə qanun pozuntusu olduğunu bildirir. O, hüquqları pozulmuş bir vətədaş olaraq, müavinət və əlavə günlərinin hesablanmasını tələb edir.

Yenixeber.org olaraq xatırladaq ki, "ARAL Group" şirkətinin adı Nurçuların Azərbaycanda fəaliyyət göstərən biznes şəbəkələri arasında yer alır. Bu şirkət 1991-ci ildən Türkiyədə Əhməd Çətin tərəfindən təsis edilib. "ARAL Group" tikinti-podratçılıq və ixrac-idxal sahəsində xidmət göstərir. Şirkət, yüksək mərtəbəli ofis, yaşayış və müxtəlif məqsədli binaların tikintisini həyata keçirir.

Fətullahçıların Azərbaycandakı biznes şəbəkəsi 2004-cü ildən fəaliyyət göstərir. Ölkə daxilində tikinti sektoruna milyonlarla ölçülən sərmayə qoyulub. "ARAL Group" şirkətlər qrupu “Falez MMC”, “Inkom MMC”, “Elif MTK”, “Yusuf MTK”, “Esra Plaza” və “Babək MTK” kimi şirkətləri də əhatə edir. "OMID" tikinti və tikinti materialları şirkəti də bu şəbəkədə önəmli yer tutmaqdadır.

Bu istiqamətdə Yenixeber.org-a ötürülən digər məlumata görə, Sumqayıt şəhərindəki məşhur "Sumqayıt Bağça Şəhər" yaşayış kompleksi də "ARAL Group" şirkətinin layihələrindən biridir. Hazırda tikintisi davam etdirilən bu kompleksə Muxtar müəllim rəhbərlik edir. Həmçinin, bu kompleksin də adı müxtəlif hadisələrlə hallanmışdır.

Yenixeber.org olaraq bu istiqamətdə araşdırmalarımızı davam etdirəcəyik və qarşı tərəfin mövqeyini dərc etməyə hazırıq.