Prezident İlham Əliyevin xarici siyasət kursu, ölkəmizin hərbi-siyasi qabiliyyətləri ilə yaratdığı yeni reallıqda artan nüfuzumuzu artırır. Bu yeni reallıq, bizə istənilən güc ilə bərabər hüquqlu tərəfdaşlıq imkanı verir. Dövlət başçısının uğurlu xarici siyasəti, həyata keçirilən iri miqyaslı layihələr və Azərbaycanın strateji mövqeyi, dünyada müxtəlif ölkələrin ölkəmizlə əlaqələrini genişləndirməsinə maraq yaratmışdır. İndi bir çox xarici ölkələr bölgədə qlobal lider kimi Azərbaycana diqqət yetirirlər.

May ayının 7-8-də Vyetnam Kommunist Partiyası Mərkəzi Komitəsinin Baş katibi To Lamın Azərbaycanın dövlət səfəri, iki ölkə arasında strateji tərəfdaşlıq münasibətlərinin dərinləşdirilməsi baxımından önəmli bir hadisədir. Bu səfər çərçivəsində Prezident İlham Əliyev Vyetnamın "Vietnam News Agency" agentliyinə müsahibə verərək, Azərbaycanla Vyetnam arasındakı əməkdaşlıq və ikitərəfli münasibətlərin mövcud vəziyyətinə diqqət çəkməkdədir.

Qeyd edilib ki, 2014-cü ildə Prezident İlham Əliyev Vyetnam Sosialist Respublikasında rəsmi səfərdə olub və 2015-ci ildə Vyetnamın Prezidenti cənab Çionq Tan Sanq Azərbaycanın dəvəti ilə ölkəmizə rəsmi səfər edib. Bu səfərlər, iki dövlət arasındakı münasibətlərdə yeni bir səhifə açmış və gələcək inkişaflarına təkan vermişdir. 2015-ci ildəcə Prezident Çionq Tan Sanq'ın ölkəmizə səfəri çərçivəsində neft-qaz, energetika, inşaat, informasiya-kommunikasiya, maliyyə, sənaye, ticarət, turizm, nəqliyyat, əczaçılıq və digər sahələrdə Birinci Azərbaycan-Vyetnam biznes forumu keçirilib.

Prezident İlham Əliyev "Vietnam News Agency" agentliyinə müsahibəsində, Azərbaycanın Vyetnamla iqtisadi və ticari əlaqələrin inkişafına böyük əhəmiyyət verdiyini vurğulayıb. "2024-cü ildə iki ölkə arasında ümumi dövriyyəsinin həcmi 223,93 milyon ABŞ dolları olacaq. Sözsüz ki, bizim bu göstəricini gələcəkdə də artırmaq üçün potensialımız mövcuddur”, - deyən dövlətimizin başçısı, ölkələrimizin neft sahəsində də qarşılıqlı fəaliyyət göstərdiyini qeyd edib.

Bu gün Azərbaycan və Vyetnam neft sahəsində də əməkdaşlıq nümayiş etdirir. 2019-cu ildə Vyetnamın "Binh Son Refinery and Petrochemical Company" ilə SOCAR arasında müqavilə imzalanıb. Neft sahəsindəki əməkdaşlığımız, tarixi və dərin köklərə dayanır; çünki azərbaycanlı mütəxəssislər Vyetnamın neft sənayesinin yaradılmasında və inkişafında əsas rol oynamışdır. Təsadüfi deyil ki, 1981-ci ildə Sovet İttifaqının köməyi ilə yaradılan "Veso Petrol" müstəqil müəssisəsinin ilk baş direktoru azərbaycanlı Cəlal Məmmədov olub.

Mədəniyyət, humanitar və təhsil sahələrində əməkdaşlığımızın kökləri Sovet dövrünə uzanır, lakin son illərdə daha da inkişaf etmişdir. 1955-ci ildə Azərbaycanın bəstəkarı Qara Qarayev Vyetnam müharibəsi haqqında ilk sovet-vyetnam sənədli filmi üçün "Vyetnam süitası"nı bəstələmişdir və onun premyerası 2023-cü ildə Hanoi şəhərində baş tutmuşdur. 1959-1962-ci illərdə Prezident Ho Si Minin dəvəti və sovet hökumətinin təklifi ilə azərbaycanlı rejissor İjdər İbrahimov Vyetnamda kino məktəbinin yaradılmasında fəal iştirak etmişdir. O, mükafatlandırılaraq Vyetnam Sosialist Respublikasının ali "əmək" ordenini almışdır.

Ölkələrimiz arasında mədəni əlaqələr müxtəlif təşəbbüslər və layihələr vasitəsilə inkişaf edir və möhkəmlənir. Qeyd edilib ki, Sovet dövründə Azərbaycanda 5 minə yaxın vətəndaş Vyetnamda təhsil almış, onların bir çoxu hazırda Vyetnamın dövlət orqanlarında məsul vəzifələr tuturlar. Prezident İlham Əliyevin 2014-cü ildə Hanoi şəhərinə səfəri zamanı, ölkə başçısı Azərbaycanın ali məktəblərinin vətəndaşları ilə görüşmüş, onlar ölkəmizdə keçirdikləri illərlə bağlı duyğulu sözlər ifadə etmişlər. 2015-ci ildə Hanoi-da Azərbaycan ali məktəblərinin məzunlarını birləşdirən Vyetnam-Azərbaycan Dostluq Assosiasiyası təsis edilmişdir.

Xüsusi olaraq vurğulanıb ki, Heydər Əliyev Fondu 2018-ci ildə Ha Giang rayonunda ibtidai məktəbin tikintisi də daxil olmaqla, Vyetnamda fəal sürətdə layihələr həyata keçirir. Bu ilin aprelində Heydər Əliyev Fondunun vitse-prezidenti Leyla Əliyeva Vyetnama səfəri çərçivəsində, vitse-prezident Vo Ti An Suan, Vyetnam Kommunist Partiyası Mərkəzi Komitəsi Baş katibinin xanımı No Fon Li, yaradıcı sənayenin nümayəndələri, Hanoi Ticarət və Turizm Kollecinin rəhbərləri, həmçinin Azərbaycanda təhsil almış vətəndaşlarla görüşüb. Görüş çərçivəsində Hanoi Ticarət və Turizm Kollecinə Heydər Əliyev Fondunun maliyyə dəstəyi ilə bağlı sertifikat təqdim edilib.

Vahid İsmayilov
Tarix üzrə fəlsəfə doktoruu