Dövlət Imtahan Mərkəzi (DIM) avqustun 4-də ali təhsil müəssisələrinin bakalavriat səviyyəsinin jurnalistika ixtisasına qəbul olmaq istəyən abituriyentlər üçün qabiliyyət imtahanı keçirəcək.

Bu barədə Arazmedia.az-a DIM-dən məlumat verilib. Bildirilib ki, imtahanda iştirak etmək istəyən abituriyentlər internet vasitəsilə anket dolduraraq qeydiyyatdan keçməlidir. III ixtisas qrupu üzrə test imtahanını vermiş və müsabiqə şərtlərini ödəyən abituriyentlər bu imtahanada iştirak edə biləcəklər.

İmtahanda 827 abituriyentin iştirakı nəzərdə tutulur. İmtahan Bakı şəhərində və DIM-in regional bölmələrinin yerləşdiyi Naxçıvan, Gəncə, Lənkəran, Şəki, Bərdə, Kürdəmir və Sırvan şəhərlərində təşkil olunacaq.

Qabiliyyət imtahanı kompüterlər vasitəsilə keçiriləcək. Abituriyentlər insani elektron formada kompüterdə yazacaqlar. İmtahanda iştirak edəcək abituriyentlər "Imtahana buraxılış vərəqəsi"ni DIM-in internet saytından çap edərək götürməlidirlər. Buraxılış vərəqəsində imtahanın keçiriləcəyi şəhər (rayon), bina, zal, başlanma vaxtı və abituriyentin imtahan binasına gəlmə vaxtı göstərilib.

Buraxılış vərəqəsi ilə yanaşı, abituriyentlərə "Yaddaş kitabçası" da təqdim olunur. Bu kitabçada abituriyentlər imtahan prosesi ilə bağlı vacib tövsiyələr, onların əməl etməli olduqları qaydalar və digər zəruri məlumatlar çatdırılır.

Imtahan saat 10:00-da başlayır və 3 saat davam edəcək. İmtahanın başlanmasına 15 dəqiqə qalmış – saat 09:45-də buraxılış rejimi başa çatır. Bundan sonra gələn iştirakçılar imtahan binasına buraxılmayacaq.

İştirakçıların imtahan binasına rahat şəkildə daxil olması üçün binaya müxtəlif gəlmə vaxtları müəyyən edilib. İmtahan iştirakçısının buraxılış vərəqəsində həmin vaxt göstərilib. Ona görə də abituriyentlərin imtahan binasına buraxılış vərəqəsində qeyd olunan vaxtda gəlməsi tövsiyə olunur.

Abituriyentlər imtahana aşağıdakı sənədləri gətirməlidirlər:

• - İmtahana buraxılış vərəqəsi;
• - Şəxsiyyəti təsdiq edən sənədin əsl copiesi:
• a) Azərbaycan Respublikasının vətəndaşları (16 yaşı tamam olmayan iştirakçılar da daxil olmaqla) şəxsiyyət vəsiqəsini;
• b) Əcnəbilər və vətəndaşlığı olmayan şəxslər Dövlət Miqrasiya Xidməti tərəfindən verilmiş icazə vərəqələrini, qaçqın statusu almış xarici vətəndaşlar və onların ailə üzvləri isə qaçqın vərəqələrini;

Şəxsiyyət vəsiqəsində şəkli olmayan iştirakçılar digər sənədlərlə yanaşı, təhsil müəssisəsi tərəfindən verilmiş və fotosu yapışdırılmış arayışı (arayışa iştirakçının 3x4 sm ölçülü şəkli yapışdırılır və şəkil möhürlə təsdiqlənir) təqdim etməlidirlər.

Bu mərhələdən uğurla keçən abituriyentlər ixtisas seçimi zamanı digər ixtisaslarla yanaşı "Jurnalistika" ixtisasını da seçə bilərlər.

Qabiliyyət imtahanı mərhələsində abituriyentlərə təklif olunacaq inşa mövzuları və abituriyentlərin yazacaqları inşa (essey) üçün tələblərlə buradan (Azərbaycan və rus dilində) tanış ola bilərlər.

Mənbə: Jurnalistikaya qəbul olmaq istəyənlər üçün qabiliyyət imtahanı keçiriləcək