Azərbaycanda Ariçilar Assosiasiyasının prezidenti Bədrəddin Həsrətov, Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti tərəfindən cərimələnib. Qaynarinfo-nun məlumatına görə, nizamnamə kapitalı 20 manat olan "Api Delta Group" Məhdud Məsuliyyətli Cəmiyyəti (MMC) ilə bağlı İnzibati Xətalar Məcəlləsinin 469.1-ci maddəsi üzrə protokol tərtib edilib və iş məhkəməyə göndərilib.

Məhkəmədə Bədrəddin Həsrətov bildirib ki, rəhbərlik etdiyi şirkət iki aylıq işçi götürübdür. Onların bu müddət ərzində gözlənilən sigortalanmasına ehtiyac olmadığını düşünüb. Həmçinin, o, hazırda rəhbərlik etdiyi MMC ilə yanaşı, Qarabağda arıçılığın inkişafı ilə bağlı dövlət layihəsinə rəhbərlik etdiyini də əlavə edib ki, buna görə də ünvanlanmış məktublardan məlumatı olmayıb.

Məhkəmənin qərarı ilə MMC 5.000 manat, Bədrəddin Həsrətov isə 1.500 manat məbləğində cərimə olunub. Qeyd edək ki, İnzibati Xətalar Məcəlləsinin 469-1-ci maddəsi - "İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sigortası haqqında" Azərbaycan Respublikasının Qanununa əsasən, hər bir işçinin istehsalatda baş verən bədbəxt hadisələr və peşə xəstəlikləri nəticəsində peşə əmək qabiliyyətinin itirilməsinə görə icbari sigortalı olması nəzərdə tutulmuşdur.

Bu qanuna görə, müvafiq riskləri icbari qaydada sigorta etdirmək vəzifəsi müyyən edilmiş fiziki və ya hüquqi şəxslər tərəfindən sigortaçı ilə icbari sigorta müqaviləsinin bağlanmaması halında fiziki şəxslər 500 manat, hüquqi şəxslər isə 5.000 manat məbləğində cərimə edilirlər.