Azərbaycanda müğənnilərin konsert fəaliyyəti, təkcə popülarlıqla deyil, həm də ciddi maliyyə gəlirləri ilə diqqət çəkir. 2024-2025-ci illər ərzində konsert gəlirlərinə əsasən ölkənin ən çox qazanan müğənniləri aşağıdakı kimidir.

Röya Ayxan

Son bir il ərzində Azərbaycanda konsertlərdən ən yüksək gəlir əldə edən sənətçilərdən biri Röya Ayxandır. Xüsusilə “Dream Fest 2024” kimi genişmiqyaslı tədbirlərdə çıxış etməklə yanaşı, Bakı Konqres Mərkəzində 1-3 sentyabr tarixlərində təşkil olunan “Biri Var” adlı solo konsertləri ilə də böyük maraq qazanıb. Məlumatlara əsasən, Röya bir konsert üçün təxminən 100,000 AZN qonorar alır. Bu onu ölkənin ən yüksək qonorar alan müğənnilərindən biri edir.

Aygün Kazimova

Azərbaycanın pop-divası kimi tanınan Aygün Kazimova da konsert gəlirlərinə görə liderlər sırasındadır. Xüsusilə yeni il ərəfəsində keçirdiyi özəl klub konsertlərində - məsələn, Mambo Beach Club-da - iştirakına görə 40,000 AZN-ə qədər qonorar aldığı bildirilir. 2024-cü ildən “Dream Fest” tədbirində iştirak etməsi onun populyarlığını daha da artırıb. Son bir il ərzində ümumi konsert gəlirlərinin 160,000 AZN-dən çox olduğu təxmin edilir.

Emin Agalarov

Təkcə Azərbaycanda deyil, həm də beynəlxalq arenada tanınan Emin Agalarov, 2024-cü ildə Bakıda müxtəlif tədbirlərdə çıxış etmişdir. Xüsusilə Heydər Əliyev Sarayında verdiyi konsertlər və “Dream Fest”də iştirakı ilə diqqət çəkib. Onun konsert gəlirlərinin son bir ildək təxminən 150,000 AZN civarında olduğu bildirilir. Emin Agalarov həmçinin Sea Breeze Resort-da təşkil olunan özəl tədbirlərdə də tez-tez səhnə alır.

Miri Yusif

Reggae və soul musiqisinin Azərbaycandakı tanınmış simalarından biri olan Miri Yusif, 2024-cü ildən Yasil Teatrda təşkil olunan 3 günlük solo konsertləri ilə böyük maraq doğurub. Eyni zamanda, 2025-ci ilin may ayında Polşanın Varşava şəhərində Azərbaycanın Respublika Günü münasibətilə verdiyi konsert onun beynəlxalq səviyyədə də çıxış etdiyini göstərir. Miri Yusifin konsertlərdən ümumi gəlirinin 200,000 AZN-i keçdiyi ehtimal olunur. Bu da onu hazırda ölkədə ən çox qazanan ifaçılardan biri edir.

Bu dörd müğənni 2024-2025-ci illərdə Azərbaycanda konsert gəlirlərinə görə lider mövqedədir. Gəlir göstəriciləri rəsmi mənbələrdə açıqlanan qonorarlar və konsert tutumları əsasinda təxmin edilərək təqdim olunub.