Neftçilərin Hüquqlarının Mühafizəsi Təşkilatının sədri, tanınmış hüquq müdafiəçisi Mirvari Qəhrəmanlı növbəti dəfə diqqətçəkici faktları ictimaiyyətə təqdim edib. "Dia-az" xəbər verir ki, bu dəfə edilən müraciət əsasında ortaya şübhə dolu suallar qoyan NHMT sədri aşağıdakıları qeyd edir:

“Neftçi” deyir ki: “Əgər həqiqətən SOCAR-da şəffaflığa üstünlük verilirsə, buyursunlar bu məsələ ilə əlaqədar açıqlama versinlər, biz neftçilər də bizlərə verilən bu əziyyətin səbəbini anlayıb...”.

Qəhrəmanlı, işçilərin Baki şəhəri, 8 noyabr prospektində yerləşən “Neft-Yag” kimi tanınan, çox sərt bir ərazidə tibbi müayinədən keçirilməsinin problemli olduğuna diqqət çəkir. O, qeyd edir ki, əgər Azərbaycanın bütün tibbi müəssisələrinə Səhiyyə Nazirliyi nəzarət edirsə, niyə görəsən işçilərin rahatlığını təmin etmək məqsədilə hər kəs öz yaşadığı ərazi üzrə həkim müayinəsindən keçərək arayışı “onlayn” formada SIMA tətbiqi vasitəsilə təqdim edə bilmir?

Ümumilikdə qeyd olunmalıdır ki, işçiləri SIMA proqramından qeydiyyatdan keçirmək mətləbinin nədən ibarət olduğu sual altındadır. Çünki məqsəd kredit götürmək yoxsa bu kimi prosedurları innovativ şəkildə asanlaşdırmaqdır! Hal-hazırda məsələn, sürücülük vəsiqəsi və ya tələbə qəbul komissiyasına sağlamlıq haqqında arayış təqdim etmək üçün prosedurun qiyməti 40 manatdır.

Maraqlıdır ki, neftçilərin illik həkim komissiyasından keçmələri üçün SOCAR hər bir işçi üçün həmin tibbi müəssisəyə nə qədər pul ayırır? Əgər həmin 40 manat qədərdirsə, o zaman işçiləri ölkə üzrə yalniz bir mıntıqadan tibbi müayinədən keçməyə məcbur etməyə səbəb nədir? Nəzərə alın ki, işçi rayondan gəlib həmin mıntıqada tibbi komissiyadan keçmək üçün 1 istirahət gününü itirir, eyni zamanda maddi xərclərlə üzləşir.

Əgər xaricdə təhsil haqqındakı diplomun həqiqi olub-olmaması yoxlanılıb təsdiq olunmalıdırsa, onda bu ölkənin səhiyyə sistemi özünə niyə inanmır, yoxsa başqa bir səbəb var? Yəqin ki, son zamanlar Prezident Administrasiyası da bu sahədə mətbuatda gedən məlumatları izləyir və ona görə də əgər həqiqətən SOCAR-da şəffaflığa üstünlük verilirsə, buyursunlar bu məsələ ilə əlaqədar açıqlama versinlər, biz neftçilər də bizlərə verilən bu əziyyətin səbəbini anlayaq.”

Beləliklə, Mirvari Qəhrəmanlı tərəfindən irəli sürülən suallar, işçilərin tibbi müayinələri ilə bağlı problemləri açıq şəkildə ortaya qoyur. Bununla yanaşı, SOCAR-ın şəffaflıq məsələsinə dair açıqlama verməsinin vacibliyi vurğulanır.