İmişli rayon sakini, 1-ci qrup əlil olan Zeynalova Gülarə Xankisi qızı tərəfindən "Hürriyyət" qəzetinin redaksiyasına müraciət etmişdir. Müraciət edən Zeynalova bildirib ki, TƏBİB tərəfindən veriləcək dərmanları ala bilmir. O, bu hadisənin özünü və digər xəstələri ciddi şəkildə təsirləndirdiyini qeyd edir.

Zeynalova yazır: "Mən, 1-ci qrup əlil Zeynalova Gülarə Xankisi qızı, yazaraq xahiş edirəm ki, problemimi işıqlandırasınız. Bildirim ki, yataq xəstəsiyəm. TƏBİB tərəfindən verilməli olan dərmanları ala bilmirik. Bu vəziyyətlə ilk dəfə qarşılaşmıram. Xəstələrin hamısı eyni vəziyyəti yaşayır. 4 manat 50 qəpik olan dərmanlar təklif edilir. Amma qiyməti baha olan, keyfiyyəti də yaxşı olan 'Epinexx', 'Kalimin 60 H', 'Imuran' kimi dərmanları vermirlər.

Qeyd edir ki, keyfiyyətsiz dərmanları qəbul etdikdə halı pisləşir, özü ilə gülməkdə çətinlik çəkir. Belə bir durumda, ölüm təhlükəsi ilə üz-üzə qalır. Zeynalova, məsələnin işıqlandırılmasını və xəstələrə yardım edilməsini xahiş edir.

Məsələ ilə bağlı Tibbi Ərazi Bölmələrinin İdarəetmə Birliyi (TƏBİB) ilə əlaqə saxlanılmışdır. Qurumdan bildirilib ki, əlillik dərəcəsi təyin olunan və nevroloji xəstəliklərdən əziyyət çəkən imtiyazlı şəxslərə verilən dərman vasitələrinin təminatında problem müşahidə edilmir. İmişli Rayon Mərkəzi Xəstəxanasında qeydiyyatda olan imtiyazlı qrupdan olan şəxslərin dərman vasitələri tələbləri əsasında tibb müəssisəsinə göndərilir və vətəndaşların dərman vasitələri ilə təmin edilməsi həyata keçirilir.

Dərman vasitələrinin satın alınması yalnız beynəlxalq adlar əsasında həyata keçirilir. Vətəndaş tərəfindən sözügedən dərman preparatının 'Kalimin 60 H' adı altında verilməsi tələb edilir. Lakin, bildirmək lazımdır ki, tələb edilən dərman vasitəsi 'Piridostiqmin bromide' beynəlxalq adı ilə İmişli Rayon Mərkəzi Xəstəxanasının Aptek bölməsində var və təminatı həyata keçirilir.

Bundan əlavə, 'Epinex' adlı dərman vasitəsi isə qısa müddətdə tibb müəssisəsinə göndəriləcək və vətəndaşların dərmanla təmin edilməsi həyata keçiriləcək.

Qeyd edək ki, 'Imuran' preparatının ölkə üzrə dövlət qeydiyyatı olmadığı üçün satın alınması həyata keçirilmir.

Yazı müəllifi: Jalə FAMİLQIZI