Fövqəladə Hallar Nazirliyi məlum olmayan küləkli və yağıntılı hava şəraiti ilə bağlı əhaliyə müraciət edib.

Bu barədə Arazmedia.az-a Nazirlikdən məlumat verilib. Hilli Hidrometeorologiya Xidmətinin verdiyi məlumata əsasən, ölkə ərazisində avqustun 30-da güclü külək əsəcək, ayrı-ayrı yerlərdə intensiv yağış yağacağı və bəzı dağ çaylarında qısa müddətli sel keçəcəyi proqnozlaşdırılır.

Qeyd olunanları nəzərə alaraq, Fövqəladə Hallar Nazirliyi müvafiq təhlükəsizlik qaydalarını bir daha xatırladır. Belə ki, güclü külək zamanı yüngül konstruksiyalı və müvəqqəti tikililərdən, bina və reklam lövhələrindən uzaq durmaq, elektrik dirəyi və naqillərinin, hündür ağacların altında dayanmamaq tövsiyə olunur.

Eləcə də, kiçikhəcmli qayıq istifadəçiləri qeyd olunan hava şəraitində dənizə çıxmanın qadağan olduğunu nəzərə almalılar. Yay fəslində insanların istirahət üçün çimərliklərə üz tutduğunu nəzərə alaraq, güclü küləkli havada dənizə girməyin təhlükəli olduğu xatırladılır.

Bundan əlavə, yağışlarla bağlı bəzi çaylarda mümkün sel və daşqından qorunmaq məqsədilə sel və daşqın təhlükəli ərazilərdən uzaq durmaq, bu təhlükə ilə üzləşdikdə dərhal yaxınlıqdakı yüksəkliklərə qalxmaq tövsiyə olunur.

Həmçinin, ildirimlə bağlı təhlükələrdən qorunmaq üçün elektrik cihazlarını şəbəkədən ayırmaq, telefonla (sabit şəbəkə, mobil, taksofon və s.) danışmamaq, açıq havada olarkən elektrik xətləri, ildirim ötürücüsü, navalça və antenaya yaxınlaşmamaq, hündür ağacların altında daldalanmamaq, avtomobildə olduqda isə hərəkəti dayandıraraq sürücüləri qaldırıb ildrimin bitməsini gözləmək tövsiyə edilir.

Mənbə: Nazirlik küləkli və yağıntılı hava ilə bağlı əhaliyə müraciət etdi