Litvanın Baş naziri Mindaugas Sinkevičius, Azərbaycanın Prezidenti İlham Əliyevə telefon zəngi edib.

Arazmedia.az xəbər verir ki, bu məlumatı Azərbaycanın Prezidentinin Mətbuat Xidməti yayıb. Telefon söhbəti zamanı son dövrlərdə Azərbaycan ilə Litva arasında əlaqələrin inkişafında müşahidə olunan müsbət dinamika məmnunluqla qeyd edilib. Bu xüsusda, Litvanın sabiq Baş naziri Inga Ruokytė-Jonssonun bu ilin aprelində Azərbaycana səfəri və Prezident İlham Əliyevlə apardığı müzakirələr xatırlanıb.

Dövlət başçısı Mindaugas Sinkeviçusu Baş nazir vəzifəsinə seçilməsi münasibəti ilə təbrik edib. Mindaugas Sinkevičius təbriklərə görə təşəkkürünü ifadə edərək, Baş Nazir kimi ikitərəfli əlaqələrin inkişafını daim diqqətə saxlayacağını bildirib.

Telefon danışığı zamanı Azərbaycan ilə Litva arasında enerji sahəsində əməkdaşlıq, xüsusilə enerji təhlükəsizliyinin təmin olunması, ticarət dövriyyəsinin artırılması məsələləri müzakirə olunub. Litvanın Baş naziri Vaşinqton Sülh Sammiti və orada əldə edilmiş razılaşmaların ildönümü münasibətilə Prezident İlham Əliyevə təbriklərini çatdırıb.

Dövlət başçısı təbriklərə görə təşəkkürünü bildirib. Telefon söhbəti zamanı Azərbaycan-Avropa İttifaqı əlaqələri müzakirə olunub, son dövrlərdə həyata keçirilmiş yüksək səviyyəli təmasların əməkdaşlığın inkişafına əsaslı töhfə verdiyi qeyd edilib. Litvanın Azərbaycanın Avropa İttifaqı ilə əməkdaşlığının inkişafına daim dəstək verdiyi vurğulanıb.

Azərbaycan Prezidenti və Litvanın Baş naziri, həmçinin beynəlxalq arenada mövcud vəziyyətə dair fikir mübadiləsi aparıblar. Bu görüşlərin iki ölkə arasındakı əlaqələrin daha da möhkəmlənməsinə xidmət etdiyi vurğulanır.

Mənbə: Litvanın Baş naziri İlham Əliyevə zəng etdi