Fövqəladə Hallar Nazirliyi isti hava şəraiti ilə bağlı əhaliyə müraciət edib.

Arazmedia.az FHN-ə istinadən xəbər verir ki, müraciətdə Milli Hidrometeorologiya Xidmətinin məlumatına əsasən, 2026-cı il 23-24 iyul tarixlərində ölkə ərazisində havanın temperaturunun yüksələcəyi, bəzi yerlərdə 41 dərəcəyə çatacağı gözlənilir. Bu hava şəraitinin kiçik ehtiyatsızlıq və diqqətsizlik nəticəsində yanğınlarla nəticələnə biləcəyi bildirilir.

Istili havalardan qorunmaq məqsədilə, adətən elektrik cihazlarına (kondisioner və s.) tələbatın artması elektrik naqillərinin yüklənməsinə səbəb olur ki, bu da qısaqapanma riskini artırır. Buna görə Fövqəladə Hallar Nazirliyi, yüksək temperaturun yanğın risklərini artırdığını nəzərə alaraq, yanğın təhlükəsizliyi qaydalarına ciddi riayət etməyə çağırır.

Müraciətdə, evlərdə və iş yerlərində elektrik sistemlərinin yüklənməməsi, elektrik qurğularının və mühafizə vasitələrinin texniki vəziyyətinin yoxlanması, aşkar edilən qüsurların dərhal aradan qaldırılması, açıq sahələrdə, xirmanlarda, ot tayalarının yığılan yerlərdə və onların yaxınlığında açıq oddan, siqaret çəkməkdən çəkinməyin vacibliyi vurğulanır. Həmçinin, fərdi yaşayış evlərinin, təsərrüfat və istehsalat müəssisələrinin həyətlərini quru ot və tullantılardan vaxtında təmizləmək, tam söndürülməmiş siqaret kötüyü, kibrit çöpü, suşmayan materialların ətrafa atılmasının yanğın təhlükəsi yarada biləcəyinə diqqət yetirilməlidir.

O cümlədən, meşə sahələrinə yaxın ərazilərdə yaşayan və təbiət qoynunda istirahət edən vətəndaşların diqqətli olmaları lazım olduğu, meşədə tonqalın yalnız xüsusi ayrılmış yerlərdə qalana biləcəyi, bunun üçün ərazinin yanğına qarşı vəziyyətinin qiymətləndirilməli, ağac altı, quru ot və kol-kos, ağac qırıntıları olan ərazilərin seçilməli olduğu vurğulanır. Tonqalın ətrafındakı otlar 0,5-1 metr radiusda təmizlənməlidir. Qalanmış tonqal nəzarətsiz qalmamalı və ərazi tərk edilərkən tamamilə söndürülməlidir. Küləkli havada tonqal qalamaq qadağandır.

Unutmayın, qaydalara biganəlik – həyatımıza təhlükədir!

FHN təhlükə zamanı 112-yə zəng etməyi tövsiyə edir.

Mənbə: Nazirlik istilərlə bağlı əhaliyə müraciət etdi