Naxçivan istiqamətində İran ərazisindən həyata keçirilən dron hücumu, region üçün son dərəcə təhlükəli presedent yaradır. Mülki infrastrukturu və dinc insanların istifadə etdiyi obyektləri hədəf alan bu cür addımlar, yalnız beynəlxalq hüququn pozulması deyil, həm də Cənubi Qafqazda illərlə qorunan kövrək stabilliyə ciddi zərbədir.

İqtisadçı Eldəniz Əmirov, Arazmedia.az-ın məlumatına görə, hücumun Azərbaycanın qonsuluq münasibətlərinə və qarşılıqlı hörmət prinsipinə zidd olduğunu qeyd edib. O bildirib ki, ölkənin ərazisi heç vaxt digər dövlətlərə qarşı təhdid mənbəyinə çevrilməyib. Eyni zamanda, Naxçıvana qarşı yönəlmiş hücumun həm siyasi, həm də mənəvi baxımdan qəbul edilməz olduğunu vurğulayıb.

Eldəniz Əmirov, baş verən hadisə ilə bağlı İran tərəfindən aydın və rəsmi izahat verilməsinin vacib olduğunu, bu cür hallarının təkrarlanmaması üçün real tədbirlərin görülməli olduğu fikrini irəl sürüb. O, beynəlxalq təşkilatların və region dövlətlərinin də bu hadisəyə münasibət bildirməsinin önəmini qeyd edib. Suverenliyə qarşı atılan bu cür addımların sükutla qarşılanmasının gələcəkdə daha təhlükəli presedentlər yarada biləcəyini vurğulayıb.

İqtisadçı, eyni zamanda, Azərbaycanın öz vətəndaşlarının təhlükəsizliyini və ölkənin ərazi bütövlüyünü qorumaq üçün beynəlxalq hüquq çərçivəsində bütün zəruri addımları atmaq hüququna malik olduğunu və bunu edə biləcəyini ifadə edib. Bu hadisə, tərəflərin münasibətlərində daha güclü və davamlı bir dialoq yaratmağı tələb edir, eyni zamanda, regionda sülh və sabitliyin qorunmasına yönəlmiş siyasətlərin gücləndirilməsini vacib edir.

Naxçıvan istiqamətində baş verən bu cür hadisələr, Azərbaycanın beynəlxalq aləmdəki mövqeyini gücləndirmək və öz müstəqilliyini qorumaq istiqamətində daha ciddi yanaşmalara səbəb olmalıdır. İqtisadçı, bu cür məqsədlərin reallaşması üçün, həmçinin regional inkişafın təmin edilməsi, yerli iqtisadiyyatların gücləndirilməsi və qarşılıqlı ticarətin artırılması üçün də mühüm addımların atılmasının zəruri olduğunu vurğulayıb.

Mənbə: “Naxçivana qarşı yönəlmiş hücum siyasi və mənəvi baxımdan qəbul edilə bilməzdir”