Qaradag Rayon Icra Hakimiyyətinin başçısı Süleyman Mikayilov 5 sentyabr 2025-ci il tarixində Qaradağ rayonunun Elet qəsəbəsində sakinlərlə növbəti səyyar görüşünü keçirib. Görüşdə Elet qəsəbəsinin müxtəlif küçə və məhəllələrində yaşayan sakinlərlə yanaşı, rayonun hüquq-mühafizə orqanlarının, idarə, müəssisə və təşkilatlarının rəhbərləri də iştirak ediblər.

Bu səyyar qəbullar, sakinlərin qaldırdığı məsələlərin operativ şəkildə müzakirəsi və həlli üçün əlverişli şərait yaratma məqsədini güdür. Səyyar qəbulda təxminən 70 sakinin iştirak etdiyi bildirilib. Onlardan 11 nəfəri fərdi qaydada Süleyman Mikayilov tərəfindən dinlənilib.

Sakinlərin müraciətləri əsasən qəsəbənin kommunal təsərrüfatı, infrastruktur problemləri, məşğulluq və sosial məsələlərlə, həmçinin müisət xarakterli müraciətlərlə bağlı olub. Qaldırılan məsələlərin həlli istiqamətində yerindəcə müzakirələr aparılıb. Bəzi müraciətlər dərhal həllini tapıb, digərlərinin icrası ilə bağlı isə müvafiq qurum və təşkilat rəhbərlərinə tapşırıqlar verilib. Süleyman Mikayilov, hər bir müraciətin diqqətlə araşdırılacağını və onların həlli istiqamətində zəruri tədbirlərin görüləcəyini vurğulayıb.

Elet qəsəbəsinin sakinləri, dövlət başçısının və hökumətin onların rifahına göstərdiyi diqqət və qayğını yüksək qiymətləndirərək, problemlərin həllinə yönəlmiş tədbirlərdən razılıqlarını ifadə ediblər. Onlar Azərbaycan Respublikasının Prezidenti cənab İlham Əliyevə və Birinci vitse-prezident Mehriban Əliyevaya gündəlik həyat şərtlərinin yaxşılaşdırılması istiqamətində həyata keçirilən genişmiqyaslı islahatlara görə təşəkkürlərini bildiriblər.

Qeyd edək ki, Qaradağ Rayon Icra Hakimiyyətinin başçısı Süleyman Mikayilov tərəfindən mütəmadi olaraq müxtəlif qəsəbə və yaşayış məntəqələrində sakinlərlə səyyar görüşlər keçirilir. Bu görüşlərin əsas məqsədi sakinlərin problemlərinin yerində öyrənilməsi, onların həlinə operativ yanaşma və sakinlərlə dövlət qurumları arasında birbaşa ünsiyyətin təmin olunmasıdır.

Mənbə: Süleyman Mikayilov Elet sakinləri ilə görüşdü