2014-cü ildə Naxçivan Muxtar Respublikası (MR) ərazisində fəaliyyət göstərən Naxtel mobil operatoru, 4-cü mobil operator olaraq ümumrespublika operatoru olmaq üçün lisenziya almağa hazırlaşırdı. Lakin Azercell-in təhdidlərindən sonra bu qərardan imtina edərək, milli rouminq vasitəsilə Azercell şəbəkəsinə qoşulmağı seçdi. Naxtel, Naxçivanda fəaliyyətə başlayanda, Azercell ilə artıq milli rouminq müqaviləsi mövcud idi. Bunun sayəsində Naxtel abunəçiləri Naxçivandan kənarda ölkənin bütün rayon və şəhərlərində Azercell şəbəkəsi vasitəsilə xidmət ala bilirdilər.

İlkin Məmmədkərimovun TEREF-ə ünvanladığı məqalədə bildirilir ki, Naxtel-in 4-cü mobil operator olaraq ümumrespublika operatoru kimi fəaliyyət göstərmək niyyəti olduğu bilindikdən sonra Azercell, Naxtel-ə milli rouminq müqaviləsində dəyişiklik etmə qaydalarını bildirmişdir. Lakin Naxtel-in ölkə ərazisində öz şəbəkəsini qurmaq üçün texniki və maddi imkanı olmadığı üçün ümumrespublika operatoru kimi fəaliyyətini Azercell-in "sayıntısından" imtina edir.

Azercell-in mövcud xidmətlərinin keyfiyyətinin azaldığı, tariflərin isə hər ay artdığı hər kəsə məlumdur. Müəssisə 29 ildir ki, mobil bazarda 51,3%-lik inhisarçı mövqeyə sahibdir. Monopolist şirkət, 2015-ci ildə Delta Telecom və SAZZ şirkətinin 4-cü mobil operator olaraq bazara girməsinə imkan verməmişdir. Ölkədə fəaliyyət göstərən yerli mobil operatorlardan biri ilə ölkədə ilk 3G şəbəkəsini quran Vodafone mobil operatoru, 2012-ci ildən bəri Azercell-in təzyiqlərinə davam gətirə bilməmiş və ölkəni tərk etmişdir.

Azercell, 4G şəbəkəsi üzrə lisenziyaları digər mobil operatorlara təzyiq göstərərək, 2012-ci ildən etibarən ilk özü almışdır. Yeni 010 prefiksini digər mobil operatora təzyiq göstərərək ilk özü almağa çalışmışdır. Lakin digər mobil operator da haqlı olaraq artıq haqsızlığa dözməmişdir. Antiinhisar siyasəti və İstehlak Bazarına Nəzarət Palatasına müraciət edərək yeni 099 prefiksini ilk özü almışdır. Azercell, mobil nömrələrin daşınması xidmətini 9 il ləngitmişdir. Bu məsələdə əvvəlki Rabitə Nazirində dəfələrlə MNP xidmətinin Azercell tərəfindən ləngidildiyi bildirilmişdir.

Azercell, bilməkdədir ki, hər hansı bir şirkət 4-cü mobil operator olaraq bazara girərsə, onun bərbad xidmətlərindən və yüksək tariflərindən təngə gəlmiş abunəçiləri Azercell-dən imtina edəcək və şirkətin 29 illik monopoliyası sona çatacaq. Məlumdur ki, bir çox ölkələrdə bazara yeni mobil operatorlar daxil olur. Məsələn, Özbəkistanda Vodafone mobil operatoru 4-cü mobil operator olaraq fəaliyyətə başlamışdır. Türkiyədə bazarda 3 mobil operator olan NetGSM, Digitürk və s. virtual mobil operatorlar olsalar da, Türksat 4-cü mobil operator olaraq fəaliyyət göstərməyə hazırlaşır.

Bizdə isə illərdir Azercell monopolist mövqeyi ilə bazarda rəqabət mühitinin olmasına imkan vermir. Monopoliyanın nəticəsidir ki, mobil rabitə sahəsində illərdir hər keçən gün xidmət səviyyəsi daha da bərbad vəziyyətə düşür, qiymətlər isə hər ay durmadan artır.

Sizə təşəkkür edirəm.

İlkin Məmmədkərimov

Qarşı tərəfin mövqeyini dərc etməyə hazırıq!