2025-ci il martın 11-də “Kür Olimpiya Tədris İdman Mərkəzi” MMC tərəfindən kimyəvi (təmizlik) və təsərrüfat mallarının satınalınması üzrə keçirilmiş kotirovka sorğusuna yekun vurulub. Nəticədə "PROSHINE" Məhdu Məsuliyyətli Cəmiyyət ilə 19.183,53 manat məbləğində satınalma müqaviləsi imzalanıb. Bu məlumatların vahid internet portalında 2025-ci il 28 aprel tarixində dərc edilməsi bildirilib.

Qeyd edək ki, “Kür Olimpiya Tədris İdman Mərkəzi” tərəfindən nəzərdə tutulmuş malların alınmasına dair keçirilmiş kotirovka sorğusunda ehtimal olunan qiymət 36.000,00 manat müəyyən edilib. Dövlət satınalmalarının portalında yerləşdirilən məlumatlardan göründüyü kimi, "Kür Olimpiya Tədris İdman Mərkəzi"nin müəyyn etdiyi ehtimal qiyməti ilə təchizatçı şirkətin təklif etdiyi qalib olduğu qiymətlər arasında kəskin fərq var. “Dövlət Satınalmaları haqqında” Azərbaycan Respublikasının Qanununa əsasən, təchizatçıların satınalmadan kənarlaşdırılması müəyyən edilir. Qanunun 35.1.8. maddəsinə görə, təchizatçının təqdim etdiyi təklifin qiyməti ehtimal olunan qiymətə müqayisədə 20 faizdən aşağı olarsa, satınalma komissiyası tərəfindən bu təklif müzakirəyə qəbul edilmir.

Amma göründüyü kimi, "Kür Olimpiya Tədris İdman Mərkəzi" kotirovka sorğusunda ehtimal olunan qiymətə qarşı 20 faizdən dəfələrlə aşağı qiymət təklif etmiş "PROSHINE" MMC ilə müqavilə bağlayıb ki, bu da "Dövlət Satınalmaları haqqında" Qanunun tələblərinin pozulması deməkdir. Kommersiya qurumunun hüquqi şəxslərin dövlət reyestrinə daxil edilmiş məlumatlarına görə, "PROSHINE" (VÖEN: 1405012131) Məhdu Məsuliyyətli Cəmiyyəti 2020-ci il 13 yanvar tarixində Dövlət Vergi Xidmətinin Bakı şəhəri Lokal Gülirlər Baş İdarəsi tərəfindən dövlət qeydiyyatına alınıb. Reyestr məlumatlarında nizamnamə kapitalı 20 manat olan MMC-nin hüquqi ünvanı Bakı şəhəri Nəsimi rayonu, İlimardan Büy Topçubaşov, ev Dalan 2, m. 3, qanuni təmsilçisi Rzabəyov Nadir Agababa oğlu göstərilib.

Bildirək ki, MMC yaradıldığı gündən qısa bir zamanda tender bazarında məşhurluq qazanıb. Bir çox dövlət qurumlarından keçirilmiş onlarla satınalmanın qalibi olub. Dövlət qurumlarını əsasən yuyucu vasitələrlə, təsərrüfat mallarıyla, dezinfeksiya maddələri və qoruyucu vasitələrlə təmin edib. Bununla bərabər, MMC-nin adı bir çox şübhəli satınalmalarda da hallanır. “Kür Olimpiya Tədris İdman Mərkəzi” ilə “PROSHINE” MMC arasındakı satınalma müqaviləsi də həmin şübhəli satınalmalardan biridir. Alınan malların qiymətinin qanunun tələblərinə uyğun olaraq ehtimal olunan qiymətə müqayisədə 20 faizdən dəfələrlə aşağı olması keçirilmiş kotirovka prosedurunda saxtakarlıq halları olduğuna dair şübhələr yaradır.

“Kür” Olimpiya Tədris-İdman Mərkəzi hal-hazırda Gənclər və İdman Nazirliyinin balansındadır. Mərkəz SSRİ dövründən avarçünki bazası kimi tanınır. Müstəqillik illərinin ilk zamanlarında baza baxımsız vəziyyətə düşüb. Prezident İlham Əliyev 2004-cü ildə Mingəçevirdəki səyahəti zamanı bazanın ən müasir formada yenidən inşasını tapşırıb. Layihə-smeta sənədləri hazırlandıqdan sonra 2007-ci ildən tikinti işlərinə başlanılıb və 2010-cu ilin oktyabrında yekunlaşmışdır. Yenidənqurma işlərindən sonra açılış mərasimində Prezident İlham Əliyev də iştirak edib.

Mərkəz 2010-cu ildən fəaliyyət göstərir və hazırda Avropada, o cümlədən MDB məkanında bənzəri olmayan avarçinqi bazasına sahibdir. Layihəyə əsasən, ümumi sahəsi 9,2 hektar olan kompleksdə inzibati bina, 7 zolaqlı üzgüçülük hovuzu, gəmini xatırladan altımərtəbəli, 250 yerlik dördulduzlu mehmanxana var. Eyni zamanda, mərkəzdə 100 nəfərlik yeməkxana və tennis kortu da mövcuddur.

Satınalmaların portalında apardığımız araşdırma göstərdi ki, “Kür” Olimpiya Tədris-İdman Mərkəzi son illərdə dövlət satınalmaları ilə bağlı heç bir məlumat yerləşdirməyib. Sonuncu dəfə, 2022-ci ildə "PROSHINE" MMC-dən 8.897,2 manat dəyərində təmizlik üçün kimyəvi və təsərrüfat malları alınıb. 2025-ci il 28 aprel tarixində isə "GÜNTEKS" MMC ilə mehmanxana otaqları üçün hamam ləvazimatlarının alınması üçün 18.172 manat məbləğində müqavilə bağlanıb. Burada bir çox məsələlər qaranlıq qalır, çünki “Kür” Olimpiya Tədris İdman Mərkəzi 2023-2024-cü illərdə zəruri olan malların və xidmətlərin satın alınması ilə bağlı dövlət portalında heç bir məlumat yerləşdirməyib. Bu da İdman Mərkəzində satınalmaların qanun çərçivəsində təşkil olunmadığına dair ciddi işarələr yaradır.

İdman Mərkəzinin direktoru Ceyhun Mirzəyevdır. O, 2022-ci ilin may ayında bu vəzifəyə təyin olunub. Daha əvvəl Ceyhun Mirzəyov Respublika Velotrekinin direktoru kimi fəaliyyət göstərib.