ÜMİDTV.com: Pentaqonda, ABŞ Hərbi Dəniz Qüvvələri Nazirliyi Baş Qərargahı Planlar, Strateji, və Siyasət şöbəsi, NATO/Avropa bölmə müdiri - ABŞ Dəniz Qüvvələrində “Con” ləqəbi ilə tanınan - əslən azərbaycanlı komandir Nəimi Amiral Azərbaycan ordusuna dəstək verib.
Bu barədə Azərbaycan Respublikası Diasporla İş üzrə Dövlət Komitəsindən məlumat verilib.
Bildirilib ki, azərbaycanlı komandir ölkəmizə dəstəklə bağlı qeyd edib:
“Ərazi bütövlüyünü təmin etmək Azərbaycanın və bütün dövlətlərin təbii haqqıdır. Təəssüf Azərbaycanın sülhsevər addımları bugünədək qarşılıqsız qalıb. Evlərindən, obalarından didərgin düşmüş ailələrin tezliklə öz yurdlarına qayıda bilməsini səbirsizliklə gözləyirik. Xeyirli və uğurlu olsun!”.
