Bu gün, Azərbaycanın Ermənistan tərəfindən qarşılaşdığı hərbi təxribatların və döyüş aktivliyinin qarşısını almaq məqsədilə başlayan Vətən müharibəsində canlarını qurban vermiş qəhrəman şəhidlərimizin Anim Günüdür.

Arazmedia.az xəbər verir ki, artıq beşinci ildir sentyabrın 27-si Azərbaycanda Anim Günü kimi qeyd olunur. Bu günlə bağlı mərkəzi və yerli icra hakimiyyəti strukturları ölkə miqyasında bir sıra tədbirlər təşkil edəcək, eyni zamanda, ölkəmizin xaricində də anim mərasimləri keçiriləcək. Ötən illərdə olduğu kimi, bu il də Anim Günündə şəhidlərimiz Azərbaycanda fəaliyyət göstərən dini məbədlərdə – məscidlərdə, kilsələrdə, sinaqoqlarda dərin ehtiramla yad olunacaq. Azərbaycanda ərazi bütövlüyü uğrunda canından keçmiş Vətən övladlarının ruhuna dualar oxunacaq.

Bu gün saat 12:00-da ölkə ərzisində şəhidlərin əziz xatirəsi bir dəqiqəlik sükutla yad ediləcək. Beləliklə, bu gün Azərbaycanda Vətən müharibəsi qəhrəmanları minnətdarlıq hissi ilə anılacaq, ölkəmizin ərazi bütövlüyünün bərpası uğrunda canlarını fəda etmiş şəhidlərimizin ruhuna böyük ehtiram göstəriləcək. Prezident İlham Əliyevin 2 dekabr 2020-ci il Sərəncamına əsasən, Vətən müharibəsində qəhrəmancasına döyüşmüş və ölkəmizin ərazi bütövlüyü yolunda canlarını fəda etmiş əsgər və zabitlərimiz hər il sentyabrın 27-si Azərbaycanda Anim Günü kimi qeyd edilir.

2020-ci il sentyabrın 27-də Prezident, Müzəffər Ali Baş Komandan İlham Əliyevin rəhbərliyi altında rəsmi Azərbaycan Ordusu, Ermənistan silahlı qüvvələrinin hərbi təxribatlarının, döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə bütün cəbhə boyu əks-hücum əməliyyatlarına başlamışdır. 44 günlük Vətən müharibəsi Azərbaycanın həm döyüş meydanında, həm də siyasi masada qələbəsi ilə nəticələnmişdir. Bütün bunlara görə, Azərbaycan Ordusunun 2 908 şəhidinin qanı bahasına nail olunmuşdur.

2023-cü il sentyabrın 19-da isə Azərbaycan Silahlı Qüvvələri tərəfindən üçtərəfli bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması və Ermənistan silahlı qüvvələrinin birləşmələrinin tərksilah edilərək Azərbaycan sərhədlərindən çıxarılması üçün lokal xarakterli antiterror tədbirlərinə başlanmışdır. 24 saatdan az müddətdə həyata keçirilən antiterror tədbirləri nəticəsində Azərbaycan ərzisində qanunsuz yerləşən Ermənistan ordusu tam sükut tərksilah edilərək ölkəni tərk etmişdir.

Qarabağda qeyri-qanuni xunta rejimi ləğv edilmiş, Azərbaycan hüquq-mühafizə orqanlarının həyata keçirdiyi tədbirlər nəticəsində separatçıların əsas rəhbərləri həbs olunmuşdur. Antiterror tədbirləri zamanı Azərbaycan Ordusunun 192 hərbçisi şəhidlik zirvəsinə yüksəlmişdir. Beləliklə, Vətən müharibəsi və antiterror tədbirləri nəticəsində uzun illər ərzində erməni işğalı altında olan Azərbaycanın əzəli və əbədi torpaqları azad olunmuşdur. Bu, Azərbaycanın bütün ərazilərində dövlət suverenliyinin və Konstitusiya quruluşunun bərpa edilməsinə səbəb olmuşdur. Hazırda azad edilmiş ərazilərdə bərpa və yenidənqurma işləri aparılır, eyni zamanda insanların öz yurdlarına qayıdışı təmin edilir.

Allah şəhidlərimizə rəhmət eləsin!

Mənbə: Azərbaycanda Anim Günüdür