Araz Media Qrupunun baş redaktoru Fariz Quliyev, Azərbaycan Respublikasının Daxili İşlər Nazirinə müraciət edib.

Müraciətində, rus millətinin nümayəndəsi olan Qəhrəmanov Samir (Aleksandr) Bakıda baş vermiş dolandırıcılıq hadisəsinin qurbanı olduğunu bildirir. Onun bildiridiyinə görə, bu qanuna zidd əməllərin nəticəsində Samirin bütün mülkləri əlindən alınıb və o, həyat yoldaşı ilə birgə küçəyə atılıb.

Fariz Quliyev, bu məsələ ilə bağlı zəruri araşdırmaların aparılması məqsədilə müraciətini Azərbaycan Respublikası Milli Məclisinin sədri ilə paylaşdığını və bu müraciətin Daxili İşlər Nazirliyinə göndərildiyini qeyd edir. O, Samirin şikayətinin Bakı şəhəri Baş Polis İdarəsi, Nəsimi Rayon Polis İdarəsi və Sabunçu Rayon Polis İdarəsində müzakirə olunduğunu, amma bütün idarələrin "cinayət tərkibi yoxdur" qərarına gəldiyini bildirir.

Quliyev, bir hüquqşünas deyil, jurnalist kimi burada açıq-aşkar cinayət izi gördüyünü vurğulayır. O, müvafiq orqanların, hadisələrin şübhəli olduğu düşüncəsini niyə əhəmiyyət vermədiklərini soruşur. Müraciətində, eyni notariat kontorunda aparılan bütün saxta əməllərin eyni şəkildə həyata keçirildiyini diqqətə çatdıraraq bu vəziyyətin hüquqi cəhətdən narahatlıq doğurduğunu ifadə edir.

Həmçinin, Quliyev, "ipoteka" adı altında rus milli nümayəndəsinə faiz və ya sələm ödənildiyinin qanunsuz olduğunu iddia edərək, bunun da cinayət olduğunu qeyd edir. O, buna baxmayaraq, Daxili İşlər Nazirliyinin əməkdaşlarının bu məsələləri görə bilmədiyini və ya görmək istəmədiyini bildirir.

Fariz Quliyev, Azərbaycan Prezidentinə və Birinci vitse-prezidentinə sadiq bir jurnalist olaraq, Nazirliyin bu məsləyə yenidən ciddi yanaşmasını xahiş edir. O, Aleksandrın bu çətin dövrdə siyasi sığınacaq axtarmaq istəyinin də geniş ictimaiyyətə məlum olduğunu vurğulayır.

Müraciətini hörmətli şəkildə sona yetirən Fariz Quliyev, "Araz Media" MMC-nin təsisçisi və baş redaktoru olduğunu bildirir.

Arazmedia.az

Fariz Quliyev işçisinin səbəbiylə DİN-i Vilayət Eyvazova müraciət etdi - SƏBƏB