Fövqəladə Hallar Nazirliyi, yaxın günlərdə gözlənilən hava şəraiti ilə bağlı əhaliyə müraciət edib. Nazirlikdən verilən məlumata əsasən, Milli Hidrometeorologiya Xidmətinin proqnozuna görə, ölkə ərazisində kəskin və yağıntılı hava şəraitinin müşahidə olunması, temperaturun xeyli düşməsi, qar yağması, yağıntıların bəzi yerlərdə intensiv olması və ayrı-ayrı yerlərdə güclü külək olması gözlənilir.

Bu müstəvidə Fövqəladə Hallar Nazirliyi əhaliyə təhlükəsizlik qaydalarına ciddi əməl etməyi tövsiyə edir. Belə ki, soyuq və yağıntılı hava şəraiti qaz və elektrik qızdırıcı cihazlardan istifadənin artmasına səbəb olduğundan, elektrik şəbəkəsinin hədindən artıq yüklənməsi, nasaz və qeyri-standart qızdırıcı cihazların istifadəsi yangın və partlayış təhlükəsi yarada bilər.

Qeyd olunan təhlükələrə qarşı nasaz, qeyri-standart və ya kustar üsulla hazırlanmış qızdırıcı cihazlardan istifadə edilməməsi, elektrik şəbəkəsinin hədindən artıq yüklənməməsi, iqlim şəraitində olan qızdırıcı cihazların nəzarətsiz qoyulmaması, qızdırıcı cihazların yaxınlığında yanar materialların saxlanmaması, cihazlardan zavod istehsalçıların tələblərinə uyğun istifadənin təmin edilməsi tövsiyə olunur.

Xüsusilə dağlıq ərazilərdə yaşayan və ya dağlara səyahət edən insanlar rəsmi qurumların hava proqnozlarına diqqət yetirməli, saxtalı və çovğunlu havada mümkün qədər yaşayış məntəqəsini tərk etməməli, ehtiyac yarandığı halda hərəkət istiqaməti barədə yaxınlarını əvvəlcədən məlumatlandırmalıdırlar. Həmçinin, avtomobil ilə hərəkət edərkən avtomobilin texniki göstəricilərinin fasləyə uyğunluğuna, kifayət qədər yanacaq ehtiyatının təmin edilməsinə, nabələd məkânlara yaxınlaşmamağa və seçim edilən marşrutlara diqqət yetirməyə çağırılır.

Əlavə olaraq, qar uçqunu ehtimalı olan yerlərdən, o cümlədən dik yamaclardan da kənar durulmalıdır. Günün qaranlıq vaxtına qalmadan yaşayış məntəqəsinə geri dönmək tövsiyə edilir. Güclü külək zamanı yüngül konstruksiyalı və müvəqqəti tikililərdən, bina və reklam lövhələrindən uzaq durulması, elektrik dirəkləri və naqillərinin, hündür ağacların altından çəkinilməsi vacibdir.

Güclü küləyin səbəb olduğu yangınların söndürülməsi ilə bağlı yaranan çətinlikləri nəzərə alaraq, küləkli hava şəraitində yangın təhlükəsizliyi qaydalarına xüsusilə ciddi riayət edilməlidir.

Mənbə: “Hündür ağacların altında dayanmayın” – əhaliyə xəbərdarlıq