ÜMİDTV.com: Mətbuat.az-ın məlumatına görə,
pandemiyanın yayılmağa başlamasından artıq yarım ildən çox bir vaxt keçsə də, hələ də dünya elmi yeni virus qarşısında acizdir.
Virusun orqanizmdən asılı olaraq fərqli simptomlarla özünü göstərməsi isə vəziyyəti bir az daha qəlizləşdirir.
Virusa yoluxmuş bəzi şəxslərdə heç bir əlamətlər və ya özünü pis hiss etmə halı müşahidə olunmur. Əksər insanlarda (təxminən 80%) xəstəlik xüsusi müalicə tələb olunmadan, sağalma ilə başa çatır.
Açıqlamalarda hər gün yüzlərlə asimptomatik şəxslərin test nəticələrinin müsbət olmasına dair məlumatlar yer alır.
Bütün bunlara baxmayaraq bir neçə nüans var ki, artıq onları “COVİD-19”un ilkin əlamətləri hesab etmək olar. Bunlar aşağıdakılardır:
Temperaturur
Qanda oksigen faizinin azalması (90%-dən az olması)
Baş və boyun ağrısı
Oynaqlarda ağrı
Quru öskürək (sinəni deşən şəkildə)
Qarın ağrısı
Dad və ya iyitmə
Hazırda həkimlər davamlı quru öskürəyə fikir verməyi və şübhəli hal yarandıqda hərarətin mütəmadi olaraq ölçülməsini tövsiyə edirlər.
Bu əlamətlərdən hər hansı biri sizdə varsa, mütləq koronavirus testindən keçmək üçün Təcili Tibbi Yardıma müraciət etməlisiniz.
Qeyd edək ki, Ümumdünya Səhiyyə Təşkilatı (ÜST) virusun inkubasiya dövrünün 14 günə qədər davam etdiyini bildirir.
(Mənbə: qafqazinfo.az)
