SİZİN ÜMİD YERİNİZ

Səhifə ünvanı : http://www.umidtv.com/haber-detay/6881_-ir-li-g-ncl-ri-ulu-ond-rin-anim-gunu-il-laq-dar-b

SON XƏBƏR

Hamısı

“İrəli” gəncləri Ulu Öndərin anım günü ilə əlaqədar bir sıra tədbirlər həyata keçirib - FOTO

(1 Ay, 7 Gün öncə) 762 İzlenme 0 Yorum
“İrəli” gəncləri Ulu Öndərin anım günü ilə əlaqədar bir sıra tədbirlər həyata keçirib - FOTO

Azərbaycan xalqının Ümummilli lideri Heydər Əliyevin vəfatının 18-ci ildönümü ərəfəsində “İrəli” İctimai Birliyi tərəfindən bir sıra tədbirlər həyata keçirilib.

Baş tutan tədbirlər çərşivəsində “İrəli” gəncləri Fəxri xiyabanda Ulu öndər Heydər Əliyevin və eləcə də Ümummilli liderin ömür-gün yoldaşı, görkəmli oftalmoloq-alim, akademik Zərifə Əliyevanın xatirəsi yad edilib.

Müstəqil Azərbaycan dövlətçiliyinin banisinin əziz xatirəsi Lənkəran şəhərində keçirilən “İZ” gənclər düşərgəsində də yad edilib. Gənclər Fondunun dəstəyi ilə keçirilən layihə çərçivəsində birliyin nümayəndələri və düşərgə iştirakçıları Ümummilli liderin Lənkəran şəhərində yerləşən abidəsini ziyarət edib, abidə önünə gül dəstələri düzüb. Tədbir iştirakçıları Ulu öndərin azərbaycançılıq məfkurəsinin davamçıları olan gəncliyin inkişafının intibah dövrünə qədəm qoyduğu, ölkəmizdə gənc nəslin problemlərinin həlli, onların cəmiyyət həyatında layiqli iştirakının təmin olunması, milli adət-ənənələrə, saf dəyərlərə bağlılığı üçün dövlət səviyyəsində bütün zəruri tədbirlərin həyata keçirildiyi xüsusi olaraq vurğulanıb. Müzəffər Ali Baş Komandan İlham Əliyevin rəhbərliyi altında ön sıralarında gənclər olan rəşadətli ordumuzun Vətən müharibəsində Qarabağ həsrətinə son qoyması da təməli möhkəm qurulan bu siyasətin bariz nümunəsi kimi qeyd olunub. 

 

 “İZ” gənclər düşərgəsi iştirakçıları AMEA-nın müxbir üzvü, millət vəkili Musa Qasımlı ilə görüşüblər. Ulu öndər Heydər Əliyev və azərbaycançılıq ideologiyası mövzusunda, diskussiya formatında keçən görüşdə Ümummilli liderin əsasını qoyduğu dövlət siyasəti və ölkəmizin inkişafında rolu haqqında məlumatlar verilib, gənclərin çoxsaylı sualları cavablandırılıb. Layihə iştirakçıları ilə keçirilən görüşdə müstəqil Azərbaycanın qurulmasında dahi şəxsiyyət, Ümummilli lider Heydər Əliyevin əvəzsiz rolu, müdrik siyasəti haqqında danışılıb, tarixi uzaqgörənliyə malik şəxsiyyət kimi müasir Azərbaycan dövlətinin qorunması istiqamətində atdığı addımlardan bəhs edilib.

 “İrəli” gənclərinin Heydər Əliyev Mərkəzinə ekskursiyası da təşkil olunub. Ulu öndərin adını daşıyan Mərkəzdə gənclərə Heydər Əliyevin həyat və fəaliyyətinin bütün dövrlərini əhatə edən video və fotoarxiv sənədlər, eləcə də müxtəlif eksponatlar nümayiş etdirilib. Ümummilli liderin həyat yolundan danışılaraq bildirilib ki, əsası Ümummilli lider Heydər Əliyev tərəfindən qoyulan dövlət gənclər siyasətinin Prezident İlham Əliyev tərəfindən uğurla davam etdirilməsinin nəticəsidir ki, bu gün Azərbaycan gəncləri qalib xalqın nümayəndələri kimi bütün sahələrdə özlərini doğruldurlar. Qeyd olunub ki, Ulu öndər 22 sentyabr 1993-cü ildə Respublika Ali Sovetində gənclərin nümayəndələri ilə görüşündəki çıxışında onlara dərin inam bəslədiyini ifadə edib. Onun “Azərbaycanın gələcəyi bütövlükdə sağlam düşüncəli gənclərdir” - sözləri hər kəsin həyat devizinə çevrilib.

Anım günündə Tvitter və Feysbuk sosial şəbəkələri vasitəsilə Ümummilli liderin həyat fəaliyyəti, tarixə düşən kəlam və ifadələri həştaqlar vasitəsi ilə paylaşılıb. 

“İrəli” İctimai Birliyinin tədbirlər planı çərçivəsində gənclərin diqqətinə çatdırılıb ki, bu günün gəncliyi vətənpərvər, sağlam ruhlu, özünə inamlı, mübariz  gənclikdir. Bu gün hər bir Azərbaycan gənci Ümummilli lider Heydər Əliyevin ideyalarını öz fəaliyyətində daim rəhbər tutmalı, Müzəffər Ali baş komandan İlham Əliyevin rəhbərliyi altında Azərbaycanın müstəqilliyinin əbədi yaşaması üçün dəmir yumruqtək birləşməli və yumruğunu bir hədəfə vurmalıdır.  

 


Şərh Yaz

ŞƏRHLƏR

Daha əvvəl heç kim bu xəbərə münasibət bildirmədi.
İndi ilk rəyi yazın!

ELAN VƏ XƏBƏRDARLIQ

Hamısı
  • KEÇMİŞ VƏ HAZIRKI ƏMƏKDAŞLARIN, HƏMÇİNİN VƏİFƏLİ ŞƏXSLƏRİN NƏZRİNƏ ! ÜmidTv Azərbaycan kanalının xidməti vəsiqələri QR kodla şifrələnməklə dəyişdirilmişdir. QR kodu olmayan Xidməti vəsiqələr ÜmidTv Azərbaycan kanalına məxsus deyil. Keçmiş işçilər tərəfindən təhvil verilməyən vəsiqələrdə QR kod mövcud deyil və həmin vəsiqələr etibarsızdır, həmin vəsiqələri daşıyanların kanala heç bir aidiyyatı yoxdur və istifadə etdikləri halda məsuliyyət daşıyırlar. Belə hallarla qarşılaşan vətəndaşlardan, vəzifəli şəxslərdən aşağıdakı əlaqə telefon nömrəsinə zəng vurmaqla məlumat vermələri xahiş olunur. QR kodu olmayan vəsiqələr etibarsızdır! Keçmiş vəsiqələri özündə saxlayan keçmiş əməkdaşlardan xidməti vəsiqələri 10 gün müddətində şirkətə təhvil vermələri tələb olunur ! Əks təqdirdə istifadə etdikləri halda məsuliyyət daşıyacaqlarını unutmamalıdırlar !!! Əlaqə üçün: +(994) 50: 549-08-68
    2 Ay, 14 Gün öncə
  • ÜmidTv Azərbaycan kanalının xüsusi müxbiri Sevda Bəxtiyarqızının atası, Əməkdar müəllim Bəxtiyar Tanrıverdiyev vəfat edib. Sevda xanıma və yaxınlarına dərin hüznlə başsağlığı veririk. Allah rəhmət eləsin.
    6 Ay, 17 Gün öncə
  • DİQQƏT: ÜmidTv Azərbaycan kanalında müqavilə əsasında xidmət göstərməyi öhdəsinə götürmüş, lakin öhdəliyi icra etməməsi səbəbindən birtərəfli qaydada Müqavilələrə xitam verilmiş əməkdaşların nəzərinə bir daha çatdırılır ki, xidməti vəsiqələrini şirkətə təhvil versinlər. Xatırladırıq ki, həmin xidməti vəsiqələr rəhbərliyin müvafiq Əmrinə əsasən etibarsız hesab edilmişdir. Həmin vəsiqələrdən istifadə edilməsi Qanunla məsuliyyətə səbəb olacaqdır. Nəzərə almağınız xahiş olunur.
    10 Ay, 28 Gün öncə
  • DİQQƏT: Məlumat üçün bildiririk ki, ÜmidTv Azərbaycan kanalı ilə Əməkdaşlıq Sazişi əsasında təhsildən ayrılmamaq şərti ilə əməkdaşlıq edən Məmiyev Elcan Rövşən oğluna verilmiş xidməti vəsiqə itdiyi üçün rəhbərliyin müvafiq Əmrinə əsasən etibarsız hesab edilmişdir.
    11 Ay, 14 Gün öncə
  • Bu gün xeyirsevərliyi ilə hər kəsin sevimlisinə çevrilmiş, peşəkar tanınmış tele jurnalist, gözəl dost, səmimi insan Hacı Nuran Hüseynovun doğum günüdür. Kollektivimiz adından Hacı Nuran Hüseynovu təbrik edir, həyatda can sağlığı, fəaliyyətində uğurlar arzu edirik.
    12 Ay, 22 Gün öncə
SÜPER LİG
XƏBƏR LENTİ
Arxiv
QƏZET BAŞLIQLARI
KARİKATURA
Anketlər
Saytımızı qənaətbəxş hesab edirsinizmi ?
Bu anketə toplam 41 şəxs qatıldı