Mütəllimzadə Ağacavad Ələsgər oğlu 1997-ci il avqustun 14-ü Bakı şəhəri Sabunçu rayonu Maştağa qəsəbəsində anadan olub. 2004 -cü ildə 255 saylı məktəbin 1-ci sinfinə qəbul olub. 9- cu sinfə qədər həmin məktəbdə təhsil alıb. 2016-cı ildə həqiqi hərbi xidmətə yola düşüb. Murovun Hilal zirvəsində xidmət etdiyinə görə və dəmir iradəsinə görə dostları arasında “Hilal Qartalı” deyə çağrılıb. Səfərbərlik elan olun kimi könüllü olaraq döyüşlərə yazılıb və kəşfiyyatçı olaraq döyüşə qatılır.
Füzuli, Zəngilan, Cəbrayıl, Xocavənd istiqamətində döyüşlərdə iştirak edib. Oktyabr ayının 22-i də Ziyarətgah dağında döyüş yoldaşlarını mühasirədən xilas edərkən qəhrəmancasına şəhid olub. 2020- ci il 26 oktyabr tarixində Maştağa qəsəbəsində Şəhidlər xiyabanında dəfn olunub. Ölümündən sonra “Vətən uğrunda”, “Cəsur döyüşçü” və ” Xocavənd rayonunun işğaldan azad olunmasına görə” medalları ilə təltif olunub.
Qeyd edək ki, 14.08.2021 – ci il şəhidimizin doğum günündə Maştağa qəsəbəsində şəhid Mütəllimzadə Ağacavadın adına salınmış bulağın açılışı olub. Təhsil aldığı 255 nömrəli tam orta məktəbin rəhbərliyi və müəllim kollektivi, doğmaları, şəhidimizin döyüş yoldaşları, şəhidimizin adına salınmış bulağın açılışında iştirak ediblər.
Ruhun şad olsun Vətən oğlu! Torpağlarımız sizin sayənizdə işğaldan azad oldu. Allahdan bütün şəhidlərimizə rəhmət, qazilərimizə can sağlığı, ailələrinə səbr diləyirik. Allah bütün şəhidlərimizə rəhmət etsin. Vətən sağ olsun!
