Ümid Tv olaraq Lerik sakinləri ilə olan müsahibəmizi sizlərə təqdim edirik:
Sevil Ağayeva, Lerik şəhər sakini : -Azərbaycan Respublikasının Prezidenti İlham Əliyev ötən həftə yerli və xarici jurnalistlər üçün keçirdiyi mətbuat konfransında işğaldan azad edilmiş Qarabağ torpaqlarına Böyük Qayıdışa aparan yollardan, bu istiqamətdə görülən və planlaşdırılan işlərdən ətraflı söhbət açdı. Xüsusi olaraq vurğulandı ki, yurd-yuvalarından didərgin salınmış 1 milyon insanı o yerlərə qaytarmaq üçün irimiqyaslı layihələr həyata keçirilməlidir.
Artıq bu layihələrin ilkin mərhələsi start götürmüşdür. Füzulidə tikilən aeroport da bu ilklərdən biridir. Prezidentimizin dediyi kimi, bu hava limanı həm xaricdən aldığımız yüklər nəzərə alınmaqla ərazilərin bərpası üçün , həm də qonşu dövlətlərin vətəndaşlarının Şuşa şəhərinə rahat gedib-gəlmələri üçün istifadə edilməsinə imkan yaradacaq.
44 günlük Vətən Müharibəsinin gedişində azad olunmuş şəhər və kəndlərimizdən Müdafiə Nazirliyinin yaydığı görüntülərdə, eləcə də Ali Baş Komandanımızın işğaldan azad edilmiş rayonlarımıza səfərləri zamanı erməni vandalizminin nəticələrini mən də televiziya vasitəsi ilə ürək ağrısıyla izləmişəm. Böyük inam hissi ilə demək istəyirəm ki, Qarabağ qısa müddət ərzində Prezident İlham Əliyevin rəhbərliyi ilə yenidən çiçəklənən diyara çevriləcək.
Rahil Qafarov, Cəngəmiran kənd sakini : - “Biz 30 il ərzində öz torpaqlarından qovulmuş insanlar üçün işğaldan azad edilmiş ərazilərdə maksimum əlverişli imkanlar yaratmaq istəyirik. Onlar buna layiqdirlər. Bu əraziləri bərpa etmək üçün bizim siyasi iradəmiz də, maliyyə resurslarımız da var və biz bunu edəcəyik.”
Bu fikirləri Prezidentimiz “Ukraina-24” televiziya kanalının sualını cavablandırarkən ifadə etmişdir. Bəli, Azərbaycan böyük iqtisadi imkanlara malik qüdrətli dövlətdir. Bunu biz beynəlxalq qurumların, qeyri-hökumət təşkilatlarının hesabatlarında verilən rəqəmlərdən, faktlardan da aydın görürük. Dövlətimiz bu potensial imkanları işğaldan azad edilmiş ərazilərin bərpası istiqamətinə yönəltmək üçün uğurlu layihələr hazırlayıb həyata keçirir.
Bunlarla yanaşı, ölkə Başçısı bütün tərəfdaş və maraq göstərən ölkələri də bərpa işlərinə cəlb etmək niyyətində olduğunu bildirir. Qarabağın dirçəldilməsi istiqamətində aparılacaq işlərdə Azərbaycanın bütün dostları üçün kifayət qədər iş var. Sevindirici haldır ki, artıq qardaş Türkiyənin bir neçə böyük investoru layihələrə cəlb olunub.
Cəbrayıl Siyabzadə, Çayrud kənd sakini : - Azərbaycan çoxmillətli, tolerant bir ölkə kimi dünyada tanınır. Bu qədim diyarda muxtəlif xalqların nümayəndələri əsrlərboyu birgə yaşamışlar. Azsaylı xaqların nümayəndələri bir ailənin üzvləri kimi mehriban və dostcasına ömür sürmüşlər.
Ölkə rəhbəri Türkiyənin Qlobal Jurnalistlər Surası rəhbərinin sualını cavablandırarkən qeyd etdi ki, Azərbaycan və erməni xalqlarının birgə yaşaması ilə bağlı bizdə aydın təsəvvür var... Amma əfsuslar olsun ki, erməni xalqının beynini o qədər zəhərləyiblər ki, onların bu xəstləlikdən xilas olmaları üçün gərək daha böyük səylər olsun.
Əlbəttə ki, Ermənistanın cinayətkar xunta rəhbərləri xalqımıza qarşı o qədər nifrət və ədavət toxumu səpiblər ki, həqiqətən erməni xalqını xəstə təxəyyüllü bir topluma çeviriblər. Ermənilər bu xəstəlikdən qurtulmağa çalışmalıdırlar. Qarabağda yaşayan ermənilər bu xəstəlikdən xilas olsalar Azərbaycan vətəndaşı kimi bu torpaqlarda yaxşı yaşayış əldə edə bilərlər.
Elcan Məmiyev / Rakurs.az
