ÜMİDTV: Azərbaycan Prezidenti İlham Əliyevin bu il fevralın 2-də imzaladığı Sərəncamla təsdiq edilən “Azərbaycan 2030: sosial-iqtisadi inkişafa dair Milli Prioritetlər” proqramı növbəti 10 il ərzində ölkə qarşısında həlli vacib olan istiqamətləri özündə əks etdirir.
2004-cü ildən başlayaraq Azərbaycanda sosial-iqtisadi inkişafın təmin olunması məqsədilə çoxsaylı dövlət proqramları qəbul edilərək həyata keçirilmişdir. Sosial-İqtisadi və mədəni həyatında böyük inkişaf yolunu keçən Azərbaycan sabit, təhlükəsiz və müasir həyat səviyyəsini təmin etmiş bir ölkə kimi dünyada tanınır.Vətən müharibəsində əldə olunan qələbə ilə bölgədə yeni sosial-iqtisadi və siyasi reallıq yarandı.
Ölkənin beynəlxalq nüfuzu əhəmiyyətli dərəcədə artmış və dövlətçilik ənənələri gücləndirilmişdir. Əldə olunan qələbə regionun yeni iqtisadi və siyasi mənzərəsini formalaşdıraraq yeni inkişaf perspektivləri müəyyən edib.Ərazi bütövlüyümüzün təmin olunması torpaqlarımıza böyük qayıdışınhəyata keçirilməsində yeni Proqramda mühüm müddəalar təsbit olunub.
Təsdiq edilmiş Milli Prioritetlərin proqramı davamlı və yüksək iqtisadi artıma xidmət etməlidir. Bu Proqram cəmiyyətin böyük hissəsinin həyat səviyyəsinin yaxşılaşmasına xidmət edəcəkdir.Bu proqram iqtisadi münasibətlərdə iştirak edən bütün subyektləin borgə fəaliyyətində rol oynayacaqdır. Milli Prioritetlər ölkə iqtisadiyyatının dayanıqlığını və xarici təsirlərdən qorunmağı təmin edəcəkdir.Yeni proqram davamlı,dinamik və sosial ədalətə əsaslanan cəmiyyətin formalaşmasına xidmət edir.
Milli Prioritetlərdə həmçinin rəqabət qabiliyyətli iqtisadiyyat,müasir innovasiyalar məkanı,işğaldan azad olunmuş ərazilərə qayıdış ,təmiz ətraf mühit və yaşıl iqtisadi artım ölkəsi kimi strateji istiqamətləri müəyyən edib. Ölkə Prezidentinin son 17 ildə apardığı uğurlu siayasət öz nəticəsini 2020-ci ildə torpaqlarımızın işğaldan azad olunması ilə bir daha özünü sübut etdi.
Bütün bu uğurlar onu deməyə əsas verir ki, Azərbaycan yeni inkişaf mərhələsinə qədəm qoymuşdur. Məhz bu inkişaf mərhələsi 2021-2030-cu illəri əhatə edən və özündə sosial-iqtisadi inkişafa dair "Milli Prioritet"lər proqramında təsbit olunmuş bütün istiqamətlər üzrə inkişafımızı təmin edəcəkdir.
Yardımlı Ziyalısı: İman Sadıyev.
