ÜMİDTV: Vətən savaşında Azərbaycanımızın hər guşəsindən qəhrəman igid oğullarımız Ali Baş Komandanın əmri ilə ordu sıralarına qatıldı. Bu igid cəsur qəhrəmanlar sözün həqiqi mənasında 2020-cil Vətən savaşında tarix yazdılar. Həmin igidlərimizdən biri də Lerik rayonundan olan Nurili Elsevər Əlibala oğludur. Uşaqlıqdan polis ailəsində böyüyən Elsevər Nurili əsil vətənpərvərliyini döyüş meydanında göstərdi.
Hər bir cəsur igidimizin əməyinə yüksək qiymət verən Ali Baş Komandanımız Füzuli və Xocavənd rayonu istiqamətində gedən döyüşlərdə iştirakına və görsətdiyi cəsurluğa görə Elsevər Nurilini də ''Cəsur Döyüşçü'' medalıyla mükafatlandırdı.
Qeyd edək ki, Elsevər Nurili Vətən müharibəsində bir neçə dəfə ağır yaralanmışdır. Allahdan bütün yaralılarımıza şəfa, cəmi şəhidlərimizə rəhmət, əsgərlərimizə can sağlığı diləyirik.
Yaşasın Qüdrətli Azərbaycan Ordusu !
